Udhëheqësi çeçen, Ramzan Kadyrov, 45 vjeç, tha se po mendonte të jepte dorëheqjen, gjë që mund të dëgjohet në një video të postuar në llogarinë e tij në Telegram të shtunën.
“Sapo mora vesh se kam mandatin më të gjatë si drejtues i një entiteti përbërës të Federatës Ruse. Unë drejtova Republikën e Çeçenisë për 15 vjet. Mendoj se është koha të largohem, para se të më nxjerrin jashtë”, tha ai në video.
Ai tha se besonte se meritonte një “pushim të mirë dhe të gjatë”, transmeton Tass.
Kadyrov shprehu shpresën se çeçenët do ta kuptonin atë.
Udhëheqësi çecen ka qenë lajm këto muaj për besnikërinë e tij ndaj Putinit dhe përkrahjen e agresionit ndaj Ukrainës. Megjithatë, shumë çeçenë, edhe nga fakti se Ukraina po përjeton atë që ka përjetuar Çeçenia vite më parë nga Rusia, janë rreshtuar krah ukrainasve në luftë. /tesheshi.com/
