Ismail Kadare, në zgrip të jetës, pra afër fundit të saj, është “pagëzuar” si kosovar, duke marrë nënshtetësinë e gjysmës tjetër të atdheut, të cilit ai i kushtuar dhe librin esteistik “Ra ky mort e u pamë”, shkruan në kohën e luftës
Është presidentja Vjosa Osmani ajo e cila ka nënshkruar dekretin për t’i dhënë shkrimtarit shqiptar me famë botërore, Ismail Kadare, nënshtetësia e Republikës së Kosovës.
“Republika e Kosovës dhe qytetarët e saj ndihen të nderuar nga personaliteti i shquar i kombit, shkrimtari ynë i përmasave botërore, Ismail Kadare, i cili me krijimtarinë e tij ka afirmuar gjuhën, kulturën dhe traditën tonë”, citohet Osmani.
Thuhet se dekreti i nënshtetësisë, shkrimtarit Kadare do t`i dorëzohet nga presidentja Osmani gjatë një vizite e cila do të realizohet në Shqipëri në një periudhë të afërt.
Në qershor të këtij viti, presidentja Osmani, dekoroi shkrimtarin Ismail Kadare me urdhrin “Hasan Prishtina”, më i larti të cilin e jep Republika e Kosovës për personalitetet më të shquara të kulturës, artit, dhe shoqërisë. /tesheshi.com/
