Legjionarët shqiptarë janë duke kaluar një formë të mirë. Këtë e kanë treguar ditën e djeshme Kaçe dhe Sokol Cikalleshi. Mesfushori shtatshkurtër dhe sulmuesi kanë qenë ata që kanë shënuar golat e kësaj jave për kuqezinjtë, shkruan Panorama Sport.
Mesfushori i PAOKut i ka dhënë fitoren skuadrës së tij me një gol në minutën e 83-të. Nga një goditje dënimi prej rreth 30 metrash, Kaçe ka shenjëstruar cepin e trekëndëshit të majtë të portierit kundërshtar, duke kaluar murin dhe mos i dhënë asnjë mundësi reagimi portierit.
Një gol që ka mjaftuar për tri pikë dhe skuadra e Kaçes është afruar me ekipin e vendit të dytë. Panathinaikosi tashmë është vetëm dy pikë përpara PAOK-ut dhe javët e mbetura janë një shpresë për të përmbysur drejtimin e kampionatit, duke qenë se në këtë javë Panathinaikos ka barazuar. Ergys Kaçe është ndëshkuar edhe me karton të verdhë në këtë ndeshje.
Cikalleshi, eurogol
Në minutën e 29-të të ndeshjes, Cikalleshi manovron bukur me topin dhe, në një moment që krijon një hapësirë të vogël mes mbrojtjes, ka goditur mrekullisht duke e dërguar topin në trekëndësh. Eurogol i shqiptarit, që ka kaluar në avantazh RNK Splitin, duke mos i dhënë asnjë mundësi reagimi portierit kundërshtar. Një gol që ka mbetur në fuqi për pjesën e parë, ndërkohë që në të dytën është barazuar nga Radonjiç. Në këtë mënyrë, goli i mrekullueshëm i Cikalleshit i ka dhënë një pikë skuadrës së tij.
Tjetër paraqitje pozitive për sulmuesin shqiptar, edhe pse nuk ka arritur t’i japë fitoren skuadrës së tij. Të tjerë Bekim Balaj nuk ka qenë në fush- ën e lojës ndaj Hajdukut, por skuadra e tij ka marrë një fitore të rëndësishme me rezultatin 1-2, duke përmbysur avantazhin e vendësve. Mbrojtësi i Kombëtares, Mërgim Mavraj, është aktivizuar nga minuta e 85-të, në ndeshjen Herta-Këln që ka përfunduar 0-0. Në Izrael, Hapoel Haifa e Salihit është mundur 1-0 nga Hapoel Ako, ish-skuadra e sulmuesit shqiptar. 90 minuta edhe për Ramën dhe Gjasulën në ndeshjet e Bundesligës 2, skuadrat e të cilëve kanë fituar. /tesheshi.com/
