“Zonja e vjetër” tregohet zonjë për të gjithë mbështetësit e saj muslimanë kudo në botë.
Pesë herë rresht kampion i Italisë në pesë vitet e fundit, Juventusi ka përcjellë një urim të veçantë në faqet e veta zyrtare në rrjetet sociale.
Me Paul Pogba-në në sfond duke bërë dua, klubi i Juventusit i ka uruar kështu tifozët e tij muslimanë:
“Ramazan të gëzueshëm! Duke dëshiruar një muaj shumë të bekuar dhe të begatë për tifozët tanë muslimanë anembanë botës.”
I jashtëzakonshëm ka qenë reagimi në faqen në Facebook të klubit. Urimi ka patur brenda një ore më tepër se 76.000 pëlqime, si dhe 5.600 shpërndarje në rrjet. /tesheshi.com/
