Ai quhet Cengiz Under, është 20 vjeç dhe që tani ka tërhequr vëmendjen e klubeve si Chelsea, Manchester United, e së fundmi, edhe të Juventusit.
Me ngjashmëri të pakrahasueshme me sulmuesin argjentinas Paolo Dybala, 20-vjecari që aktualisht luan për Medipol Basaksehir, mund të “kapërcejë” Bosforin për të luajtur në skuadra të mëdha europiane.
Cengiz është një mesfushor fantazist, me një “sallake” që bën çudira dhe me shumë vizion loje. Në sezonin e fundit në Turqi, luajti 43 ndeshje dhe shënoi 9 gola, por edhe kontriboi me 7 asist për gol.
Prej pak kohësh ai është edhe “në xhiron” e Kombëtares, ku në 4 ndeshje të luajtura, ka shënuar 2 gola.
Një sezon më parë është blerë për rreth 750 mijë euro, por këtë sezon, mund të shitet të paktën për 20 milion.
Klubi aktual po shqyrton ofertat, e blerësi duhet të përgatitet, për të bërë, siç thuhet në turqishten alla shqiptare, “bollëk pazar”. /tesheshi.com/
