Presidenti i Komisionit Evropian, Jean-Claude Juncker, ka shprehur dyshime nëse qeveria në Bukuresht e ka kuptuar plotësisht se çfarë do të thotë të kryesosh për gjashtë muaj Bashkimin Evropian, e kjo disa ditë përpara se Rumania të marrë përsipër kryesimin e Unionit.
Rumania është “e përgatitur teknikisht shumë mirë” për presidencën gjashtë-mujore, tha Juncker për gazetë gjermane Welt am Sonntag.
“Por unë mendoj se qeveria në Bukuresht nuk e ka kuptuar plotësisht se çfarë do të thotë të kryesojë vendet e BE”, tha presidenti i Komisionit Europian.
Ai beson se situata e brendshme politike e Rumanisë do të thotë se shteti nuk do të veprojë si një entitet i bashkuar në një fazë evropiane.
“Në shtëpi, kanë nevojë për një front të bashkuar për të nxitur unitetin e Evropës gjatë presidencës”, përfundoi Juncker.
Presidenti rumun Klaus Iohannis muajin e kaluar, tha se vendi i tij nuk është i gatshëm për të marrë kryesimin e Evropës, duke iu referuar situatës së komplikuar të politikanit më të fuqishëm të vendit, kreut socialdemokrat Liviu Dragnea, i cili nuk mund të bëhet kryeministër për shkak të shpalljes fajtor për mashtrim elektoral.
Rumania u bashkua me BE në 2007, së bashku me Bullgarinë.
Të dy vendet janë ende nën kontrollin e Brukselit për shkak të korrupsionit të përhapur dhe mungesës së sundimit të ligjit. /tesheshi.com/
