“Populli grek ka votuar ‘jo’ në një referendum që nuk është më mbi tavolinë”. Kështu ka thënë Jean Claude Juncker në sallën plenare të Parlamentit Europian në Strasburg, pasi ka konfirmuar se “padyshim respektojmë” referendumin, por se “nuk kanë kuptuar” se çfarë u është kërkuar qytetarëve.
“Dua të evitoj Grexit. Jam kundër dhe dua që të gjithë bashkë ta evitojmë sa më shumë të jetë e mundur”,- ka thënë presidenti i Komisionit Europian, Jean Claude Juncker. “Ka nga ata që në mënyrë të fshehtë vënë theksin tek dalja e Greqisë. Në Europë nuk ka përgjigje të thjeshta. Komisioni Europian do të bëjë gjithçka që ka në dorë për të nisur negociatat”,- u shpreh Juncker.
Ai shtoi: “Është koha që të kthehemi tek sensi i mirë dhe të nisim sërish negociatat”. Juncker deklaroi se është e papranueshme për Komisionin që të emërtohet si ‘terrorist’ nga ana e qeverisë greke.
Presidenti i Komisionit Europian vë theksin tek ‘gjetja e një zgjidhjeje dhe sot të mbajmë çdo situatë nën kontroll, të rivendosim besimin, të hapim dialogun dhe të mbajmë pozicionet që na takojnë’.
Juncker tha ndër të tjera se “Qeveria greke duhet të thotë shumë qartë se si ka në plan të dalë nga kjo situatë. Duhet të bëjë propozime konkrete. Kjo situatë nuk zgjidhet brenda natës”. /tesheshi.com/
