Deputetja demokrate Jorida Tabaku denoncoi sot mbylljen e rreth 40 bizneseve në ditë për shkak të taksave të larta.
Tabaku tha se deri më tani mbi 20 mijë punonjës në muaj mbeten pa të ardhura.
“40 biznese në ditë mbyllen prej taksave!
Një dite pas bujës dhe spektaklit që na ofroi kryeministri i fytyrave të vjetra dhe qeverisë së vjetër, na vijnë të dhënat e fundit mbi bizneset që mbyllen në vend. Falë kontributit të qeverisjes deri më tani, 40 biznese në ditë, 1200 në muaj (18 000 në një vit) mbyllen prej taksave të larta, gjobave të qeverisë dhe korrupsionit.
Prandaj sado dhe sido që te arnohet qeveria e re, nuk mund të fshihet krizën ekonomike që përjetojnë bizneset. Kanë më pak të ardhura, më shumë taksa, më pak shitje dhe më shume gjoba e korrupsion.
E njëjta muzikë si me investimet e huaja, më pak siguri dhe më pak investime dhe një ekonomi pa konsum. Deri më tani mbi 20 mijë punonjës në muaj mbeten pa të ardhura”, shkruan Tabaku në rrjetet sociale. /tesheshi.com/
