Vizitorët e Westgate Park, pranë Melbournit, Australi kanë pasur mundësinë të shijojnë pamjen e një liqeni të kuq.
Bëhet fjalë për një liqen me ujëra të kripura, i cili ka dhuruar këtë pamje për shkak të një kombinimi mes temperaturave të larta, dritës diellore dhe precipitimeve të ndryshme, duke sjellë ndryshimin e ngjyrës.
Një ngjyrë e kuqe, e shkaktuar nga algat që ndodhen në shtratin e tij të cilat lëshojnë ngjyrë për shkak të nivelit të lartë të kripës.
Administratorët e parkut i kanë ftuar njerëzit të shijojnë panoramën, por të mos kenë asnjë kontakt me ujin. Më tej ata i kanë siguruar të gjithë se në dimër, liqeni do t’i kthehet ngjyrës së tij natyrale, blu./tesheshi.com/
