Për herë të katërt ka nisur ‘Java e Gruas’ në Kosovë, e cila do të mbahet deri më zgjasë deri më 27 mars. Temë kryesore e këtij organizimi do të jetë Sundimi i Ligjit, me fokus të veçantë në të Drejtat Pronësore dhe Trashëgimia, Roli i Grave në Luftimin e Korrupsionit, Gratë në Sektorin e Sigurisë dhe Rehabilitimi i të Mbijetuarave të Dhunës Seksuale gjatë Luftës.
Gratë udhëheqëse të Kosovës kanë thënë se gratë janë shtylla, gjysma e trurit të shoqërisë dhe se për to nuk duhet të flitet vetëm për 8 mars, por çdo ditë të vitit.
Fjalën kyçe në ditën e parë të ‘Javës së Gruas’, e pati presidentja e Republikë s së Kosovës Atifete Jahjaga, e cila foli për rëndësinë e Javës së Gruas. Ajo tha se çdo javë e vitit është e gruas, pasi gratë janë shtylla ku gjen mbështetje e tërë shoqëria, të cilat me punën e tyre shpesh herë të padukshme mundësojnë progresin e saj.
“Patjetër që vit pas viti ne krenohemi me progresin e bërë, frymëzohemi prej tij, por e kuptojmë edhe se përgjigjja e shoqërisë ende reflekton në konsiderimin e barazisë gjinore si një temë dytësore, të përmbushjes së një obligimi moral, dhe jo domosdoshmërisht si respektim të të drejtave themelore të njeriut, qenësore për zhvillimin e gjithmbarshëm të saj.
Kjo na dëshmon se përtej progresit të bërë, ne ende duhet të njohim faktin se gratë si gjysma e shoqërisë përbëjnë gjysmën e kapitalin njerëzor, gjysmën e trurit të vendit që mund ta shtyj përpara shoqërinë, gjysmën e fuqisë punëtore që mund të ndezin motorët e progresit e të zhvillimit, gjysmën e nevojave të shoqërisë të cilat duhet të adresohen e konsiderohen prej saj.
Ajo çfarë ne shohim është që progresi në pjesëmarrjen e gruas në çdo fushë të jetës, është shumë ngushtë i lidhur me vizionin individual të atyre që marrin vendime dhe kërkon më shumë përpjekje për garantimin institucional të përfaqësimit të tyre, të përfaqësimit të saj”.
“Gjatë kësaj jave do bëheni pjesë e diskutimeve të rëndësishme që ndërlidhen me garantimin e barazisë gjinore, si sundimi i ligjit, lufta kundër korrupsionit, avancimi ekonomik dhe qasje në pronësi, përfaqësimi politik si dhe procesi i ndërtimit të paqes për të gjithë qytetarët e vendit duke përfshirë rehabilitimin e viktimave të dhunës seksuale gjatë luftës.
Në të gjitha këto diskutime do të dal në pah, se çelësi i avancimit të gjithmbarshëm shoqëror është në atë dhe të vetme në integrimin e plotë të gruas”, tha Jahjaga.
Teuta Sahatqija, përfaqësuese e Grupit të Grave Deputete ka thënë se ideja ka qenë që gruaja të fuqizohet dhe të mos flitet për të vetëm më 8 Mars.
Ajo ka shprehur kënaqësinë që projekti katër vjeçar ka arritur që të trajnojë 400 femra në fusha të ndryshme.
Ndërsa Xhejms Houp, drejtor i USAID në Kosovë përmendi pjesëmarrjen e grave nga Java e Gruas paraprake të cilat tani udhë heqin sesione të kë saj jave të cilat po ndajnë me të tjerat përvojnë e tyre.
Drejtori i NDI në Kosovë shpjegoj pse këtë vit temë e përgjithshme e Javës së Gruas është Sundimi i Ligjit, duke qenë çë shtje kritike për Kosovën duke bërë përpjekje pozitive si vend i ri demokratik.
Objektivat kyçe të Javës së Gruas 2015 synojnë:
- Thyerjen e mëtejshme të barrierave që ekzistojnë në mes të grave dhe për gratë nga të gjitha sferat, gjeneratat dhe etnitë
- Ngritjen e shkathtësive dhe fuqizimin e grave të ardhshme lidere në fusha të ndryshme
- Krijimin e besueshmërisë për gratë me potencial dhe mundësi për sukses
- Rrjetëzimin e grave nga të gjitha sferat e shoqërisë, gjeneratat dhe etnitë
- Avancimin e rrjetëzimit me gratë parlamentare dhe aktivistet e shoqërisë civile në nivel regjional
- Krijimin e bazës për një qëndrueshmëri programore për fuqizimin e rolit të gruas në udhëheqje
- Përdorimin e mediave sociale si nevojë për rrjetëzim dhe promovimin e gruas në jetën shoqërore në Kosovë.
Ndryshe, vetëm një në dhjetë gra në Kosovë është e punësuar dhe një në dhjetë gra do të dëshironte të gjente punë. Tetë në dhjetë gra nuk janë të punësuara e as nuk kërkojnë punë, për shkak se janë të dekurajuara dhe janë të zëna duke u kujdesuar për fëmijët dhe të moshuarit.
Java e Gruas në Kosovë organizohet nga Instituti Kombëtar Demokratik, me mbështetje nga Agjensioni Amerikan për Zhvillim Ndërkombëtar (USAID .
Java e Gruas është një ngjarje vjetore e cila organizohet që nga viti 2012.
/Te sheshi.com/
