Nga serat e Japonisë vjen “crio-banana”, më e ushqyeshme, më e ëmbël dhe me asgjë për t’u hedhur, pasi mund t’i hahet edhe lëkura.
E gjitha lindi nga një kërkim japonez, i cili eksperimentoi një teknikë të re: Fillimisht bimët e bananes ruhen në temperaturën minus 60 gradë, e më pas rimbillen në temperaturën 27 gradë celcius.
Ky kalim bën që bananet të rriten më shpejt dhe lëkura e tyre të jetë e hollë dhe shumë e butë.
Për momentin, ky frut gjendet vetëm në Okayama.
Kultivimi i këtij fruti u zhvillua nga varieteti Gros Michel, i cili kultivohej në të gjithë botën deri para 50 vjetëve, para se të zëvendësohej nga lloji Cavendish, që konsumojmë sot.
Varieteti i vjetër, para se të eksportohej në masë nga vendet prodhuese, karakterizohej nga sasi e lartë e vitaminës B6, zinku, magnesi dhe triptofani, një aminoacid thelbësor për organizmin njerëzor.
Crio-banana, e quajtur Monge, trashëgon vlerat ushqyese të Gros Michel dhe ka shije më të ëmbël e përmasa më të vogla. Një banane te tillë peshon 18 gramë.
Revolucioni qëndron në mënyrën si kultivohet. Kalimi nga minus 60 gradë celcius i bimës, në plus 27 gradë celcius, u lejon bananeve të rriten më shpejt e të kenë një lëkurë të budë, por edhe të hollë e të ëmbël. Me pak fjalë, perfekte për t’u ngrënë.
Për momentin vetëm japonezët që banojnë në Okayama mund të shijojnë bananen e re.
Çmimi i saj varion nga 5 në 6 dollarë.
Firma prodhuese ka për qëllim ta shesë në supermarketet e të gjithë Japonisë, vend i cili momentalisht importon nga pjesa tjetër e botës thuajse të gjithë sasinë që konsumohet në vend./tesheshi.com/
