Mbi çatinë e zyrës së Kryeministrit të Japonisë, Shinzo Abe, është ulur një dron i vogël gjatë ditës së sotme. Në të nuk është gjetur lëndë eksplozive, por një makinë e vogël fotografike me një bidon ujë.
Mjeti i vogël fluturues, i cili është rreth gjysmë metri i gjatë, ishte i shënuar me simbolin e radioaktivitetit dhe u verifikua si radioaktiv në një masë shumë të vogël.
Deri në këto momente nuk është zbuluar ende se cili ka qenë drejtuesi i këtij mjeti fluturues që është ulur në çatinë e Kryeministrit japonez.
Të mërkurën, në një gjykatë në këtë shtet ka aprovuar rihapjen e një centrali nuklear, duke përmbushur kështu frikat e ekologjistëve, të cilët i druhen shkatërrimeve të reja, pas asaj që ka ndodhur në Fukushima dhe tërmetit e tsunamit në vitin 2011./tesheshi.com/
