Ministrja e Brendshme e Maqedonisë, Gordana Jankullovska, ka bërë bilancin përfundimtar të viktiaveme Gordana Jankullovska ka theksuar se janë vrarë 5 policë dhe janë rreth 30 të tillë ndërkohë që theksoi se nuk ka të vrarë nga civilët. Janullovska, megjithatë përmendi vetëm emrat e 3 policëve:
harko Kuzmanovski nga Bërvenica, Nenad Serfaimocski nga Zubovci, Sasho Samojlovski nga Bërvenica edhe dy të tjerë, ku do të njoftohen familjet e tyre, janë 5 herojtë e Maqedonisë që e dhanë jetën”.
“Të gjithë këta e mbrojtën Maqedoninë pavarësisht se të cilit etnitet kanë qenë policët. Janë konfrontuar se kanë luftuar me një grup ekstremist terrorist. Fatkeqësisht 6 nga perosnat e lënduar janë plagosur para gjysmë ore”.
“Aktualisht po vazhdon aksioni. MPB filloi në mëngjës aksionin. Aksioni po zhvillohet 16 orë pa ndërpre sulme. E kanë goditur policinë me armë të ndryshme. MPB u përgjigj në mënyrë adekuate. Pas orës 18.00 një grup prej tyre janë dorëzuar pa asnjë kusht, me ata do të bëhet bisedime zyrtare, do të merren provat dhe do të shihet a janë të përfshirë në sulme. Edhe grupi i dytë është dorëzuar. Situata në terren është ende në rrezik”.
“
S’kemi informata për civilë të vrarë. Ndërsa policiët e plagosr janë 30. Nga ana e grupit të armatosur kemi informata se ka viktima, por s’kemi të dhëna sa janë. Ata vijnë nga një vend fqinj dhe nga Maqedonia. Kemi pasur informacion se kanë pasur armë, por jo se ka pasur kaq shumë armatim. Nuk e dimë numrin e grupit të armatosur”.
“Mbi 30 persona civilë, gra fëmijë janë arrestuar dhe po shqyrtohet mundësia nëse ndonjëri prej tyre është përfshirë në këtë sulm. “Ishte planifikuar sulm ndaj institucioneve strategjike. Për motivet s’mund të flasim. por duhet të marrim deklarata nga të arrestuarit”, tha mes tjerash Jankullovska.
Rreth orës 21.20 bëhet e ditur për përfundimin e operacionit policor dhe përleshjeve me grupin e fundit të armatosur në “Lagjen e Trimave” në Kumanovë. Sipas informacioneve të sjella nga burimet qeveritare, bëhet e ditur se nga 9 personat që kishin rezistuar dhe nuk ishin dorëzuar, katër prej tyre janë vrarë gjatë të shtënave me armë, ndërsa për një tjetër raportohet se është vetëvrarë.
Por disa orë më parë u raportua se pjesa më e madhe e grupit të armatosur prej 30 personave janë dorëzuar me ndërmjetësimin e përfaqësuesve të OSBE.
Ndërkohë, vazhdojnë të shtënat në lagjen e krizës në Kumanovë
në Lagjen e Trimave, edhe pas lajmit për dorëzimin e grupit të armatosur.
Të shtënat janë të llojeve të ndryshme të armëve dhe se policia ka nisur siç paralajmëroi pastrimin e zonës. Forca të mëdha policore janë në zonën e Kumanovës, por përqëndrimi më i madh i tyre është në pjesët hyrëse, dhe lagjet pranë tregut.MPB theksoi se ishin dorëzuar 30 pjesëtarë të grupit të armatosur, ndërsa akoma po vazhdon pastrimi i terrenit dhe se disa pjesëtarë vazhdojnë të bëjnë rezistencë.
