Jankulloska: Arrestimet në Kumanovë, s’kanë lidhje me Gushincën

Në lidhje me aksionin e djeshëm policor në Kumanovë, ku u arrestuan dy persona, prej të cilëve njëri veteran i UÇK-së për shkak të bartjes së armës pa leje dhe materialeve tjera, ministrja e Punëve të Brendshme Gordana Jankulloska njoftoi se tek të njëjtit janë gjetur edhe eksploziv.
“Ditëve të fundit ka shumë spekulime rreth sulmit në Gushincë dhe arrestimeve”, theksoi Jankulloska dhe u bëri thirrje mediave që të plasojnë vetëm informacione të verifikuara, për të mos shkaktuar panik dhe të mos ngriten tensione te qytetarët, transmeton zhurnal.mk
Ajo theksoi se burgosjet e djeshme nuk kanë lidhje me rastin e Gushincës.