Jakup Krasniqi, ish-bashkëpartiak e shoku i luftës me Hashim Thaçin, ka thënë se ky i dyti nuk do të duhej të ishte kryeministër në mandatin e dytë, e as tash president.
Në një intervistë për Kosovapress, Krasniqi ka thënë se Thaçi ishte protagonisti kryesor raportit të Dick Marty-t, me të cilin u dëmtua imazhi i Kosovës. Këto komente i ka bërë teksa ka komentuar deklaratën e Thaçit për dekriminalizim të politikës.
“Ndryshe, sa i përket deklaratës së presidentit Thaçi, që në listat zgjedhore mos të jenë njerëz që janë nën hetime, Krasniqi ka thënë që është vet Thaçi, ai që nuk do të duhej të jetë kryeministër në mandatin e dytë, dhe as president, për shkak se ishte protagonist kryesor raportit të Dick Martit, me të cilin ka dëmtuar imazhin e Kosovës”, ka dekalruar ish kryekuvendari Krasniqi.
Që me largimin nga PDK-ja, Jakup Krasniqi, një prej ish-figurave qëndrore të UÇK-së si zëdhënës shtypi i saj, ka zgjedhur rolin e një protagonizmi publik nëpërmjet deklarimeve të ndryshme, intervistave, apo dhe statuseve në FB. Po ashtu, ai ka marrë pjesë dhe në disa protesta të opozitës, por angazhimin më konkret në politikë duket se e ka lënë mënjanë për momentin. Ai mbetet gjithashtu ndër figurat më të papërfolura të Ish-Ushtrisë Çlirimtare të Kosovës. /tesheshi.com/
