Presidentja e vendit, Atifete Jahjaga ka deklaruar se për katër vite që është në krye të shtetit ka ndikuar që pozita e presidentit mos të jetë pjesë e marrëveshjeve politike.
Ajo gjatë debatit në Lëvizjen FOL, ka thënë se vendimin për kryeprokurorin do ta marrë në bazë të kompetencave që i takojnë dhe se zgjedhja do të bëhet pa ndikime politike.
Vonesa për këtë emërim sipas saj nuk është bërë nga zyra e saj por nga Këshilli Prokurorial.
“Çështja e zgjatjes së zgjedhjes së kryeprokurorit të shtetit nuk është sa i përket zyrës sime. Asnjëherë nuk do të zgjatet jashtë afateve ligjore. Sa i përket Kryeprokurorit, ende nuk kam marr një vendim, sa i përket kësaj çështje. Unë do të marr vendim ashtu si çdo vendim tjetër duke u bazuar në Kushtetutë dhe ligj”, ka thënë Jahjaga./tesheshi.com/
