Politikani sikh-kanadez bëhet personi i parë me ngjyrë për të udhëhequr një parti të madhe federale në historinë e vendit.
Jagmeet Singh është zgjedhur kreu i ri i Partisë së Re Demokratike të Kanadasë (NDP), një rezultat me të cilën partia e majtë shpreson ta rifitojë mbështetjen e saj pas një shfaqje zhgënjyese në zgjedhjet e fundit federale.
Singh u zgjodh me 53.6 përqind të votave, njoftoi NDP të dielën pasdite. Singh, i cili është sikh dhe mban një turban, mundi tre udhëheqës të tjerë të NDP-së për t’u bërë personi i parë me ngjyrë për të udhëhequr një parti politike federale në historinë kanadeze.
Një avokat me profesion, Singh konkurroi për vendin e parë të partisë nën sloganin: “Me dashuri dhe guxim”.
Ai ka premtuar të rrisë taksat për kanadezët me të ardhura më të larta, të dekriminalizojë përdorimit e drogës, të ngrejë pagën minimale në 15 dollarë kanadezë (12 dollarë amerikanë) për një orë dhe heqjen e fëmijëve nga lista e ndalim-fluturimit në Kanada.
Singh tërhoqi vëmendjen ndërkombëtare pas reagimit të tij të matur ndaj një gruaje që shfryu komente raciste gjatë një ngjarje të fushatës në Brampton muajin e kaluar, e cila u shpërnda në mënyrë virale. “Është e rëndësishme që të qëndrojmë të bashkuar ndaj të gjitha formave të urrejtjes”, tha Singh pas incidentit.
Mbështetësit e NDP-së shpresojnë se fitorja e Singh do të forcojë partinë, pasi përfunduan në vendin e tretë në zgjedhjet federale të vitit 2015 pas Liberalëve të Trudeau-së dhe Partisë Konservatore. Ky rezultat përfundimisht e detyroi Thomas Mulcair-in që të largohej. /tesheshi.com/
