Ambasadorja e SHBA-së në Kosovë, Tracey Ann Jacobson, në një intervistë në RTK ka thënë se themelimi i Gjykatës Speciale do të bëhet ose në Parlamentin e Kosovës ose në Këshillin e Sigurimit.
“Ne kemi folur me shumë deputetë dhe presim nga ata që ta përkrahin po ashtu edhe ata që janë skeptik të votojnë Gjykatën Speciale”,- tha ambasadorja. Znj. Jacobson ka deklaruar se Gjykata Speciale duhet të vendoset në Kosovë me ligje të .
Ajo ka theksuar se nuk sheh ndonjë të keqe nga Gjykata Speciale, por, vetëm që Kosova mund të ecë përpara drejt integrimeve evropiane.
“Nëse nuk do ta votojnë Gjykatën Speciale në Parlamentin e Kosovës, ne si qeveri amerikane e kemi bërë të ditur që nuk do ta bllokojmë ndonjë propozim nga Rusia apo ndonjë shtet tjetër që e propozon. Për këtë ne e kemi bërë njëfarë presion Qeverisë së Kosovës, sa i përket kësaj dhe unë po përpiqem që të qëndroj jashtë politikës së brendshme”, ka theksuar ambasadorja Jacobson.
Sipas saj, nëse dështon votimi në Parlamentin e Kosovës, qeveria amerikane nuk do ta bllokojë atë në Këshillin e Sigurimit. /tesheshi.com/
