Evolucioni i Facebook duket se nuk ka të ndalur. Pasi ka kaluar 1 miliard përdorues, rrjeti social që ka ndryshuar mënyrën e jetesës së njerëzve është gati për të bërë nj hap tjetër.
Gjatë vitit 2016 do të vihet në dispozicion të kompanive “Facevook Work”, një version i ri i rrjetit social me sisteme për të ngelur në kontakt me kolegët, për të nisur biseda, për të bërë telekonferenca, për të krijuar ndarë dhe modifikuar dokumente me persona të tjerë. Lajmet e para për këtë shërbim të ri lexohen në Il Post dhe kanë nisur që në vjeshtën e vitit 2014.
Që prej asaj kohe Facebook ka eksperimentuar me disa kompani, duke përmbushur kërkesat e tyre dhe duke modifikuar funksionet për ta bërë më të përdorshëm për krijueshmërinë e rrjetit dhe marrëdhënieve të punës mes kompanive të ndryshme. Por, çfarë mendojnë kompanitë që e kanë provuar? Për momentin thonë fjalë të mira. Rreth 60 mijë kompani në të gjithë botën kanë kërkuar për të qenë pjesë e Facebook at Work.
Shërbimet bazë janë falas, ndërsa për të pasur shërbime më të personalizuara dhe të integruara me softuerët që përdoren në rrjet nga kompanitë, është e nevojshme të bëhet një pagesë për Facebook, për çdo punonjës të kompanisë që përfiton nga shërbimet ekstra. Deri tani, sistemi është eksperimentuar në 300 kompani të llojeve të ndryshme./tesheshi.com/
