Mediat kryesore në Serbi, përfshi agjencinë e lajmeve Tanjug, B92, gazetën Blic, por dhe shumë media të tjera kanë komentuar mungesën e kryeministrit Edi Rama gjatë fotos zyrtare në samitin e Kartës së Adriatikut në Podgoricë.
Të gjitha i janë referuar postimit në Facebook të ish kryeministrit Sali Berisha, sipas të cilit Edi Rama është përjashtuar nga foto familjare për shkak të paraqitjes së tij me atlete në këtë takim.
Por një burim zyrtar, që citohet nga TCH, ka sqaruar arsyen e mungesës së Kryeministrit Edi Rama në foton zyrtare.
“Kryeminstri Edi Rama udhëtoi për në Podgoricë me helikopter. Aeroporti i Podgoricës ishte i mbyllur për arsye sigurie të fluturimit të Mike Pence dhe rihapej në orën 19 .00 pasi të nisej zv presidenti amerikan.
Helikopterët tanë nuk udhetojnë natën, ndaj i vetmi korridor ajror që delegacioni të nisej ishte ora 16.00. S
ipas planit fillestar, në këtë orar duhet të kishin mbaruar të gjitha aktivitetet e samitit, përfshirë dhe fotoja familjare. Por samiti filloi me vonesë e gjithcka u shty, edhe foto familjare”, thonë burime pranë Kryeministrisë.
Kryeministri Edi Rama zhvilloi takimin kokë me kokë me zv presidentin Pence dhe u përshëndet me të dhe të gjithë liderët e rajonit, me pas ai u nis më përpara për shkak të detajeve të udhëtimit. /tesheshi.com/
