Zv.presdenti moldav Dumitru Alaiba ka reaguar në rrjetet sociale për ndalimin e hyrjes në këtë shtet të Goran Bregoviçit, muzikantit të famshëm serbo-boshnjak, i cili ka performuar dhe dy herë në Shqipëri, duke ngacmuar debate publike.
Alaiba ka shkruar në profilin e tij në Facebook: “Bregovicit i ndalohet hyrja në vend.
Nuk kam asgjë për t’u shtuar këtyre fjalëve të Natalija Garba-s: ‘Të kërcesh nën muzikën e Goran Bregoviqit sot është si të vallëzosh mbi varret e të gjithë ukrainasve që vdiqën për shkak të agresionit rus. Pa këpucë, gazmor dhe pa kurriz, pa qëndrim dhe mendim.’
Artisti sarajevas ishte ftuar nga Festivali i Kitarës në Kishinau, kryeqyteti i Moldavisë. Por Bregoviçit iu ndalua hyrja në vendin që po përjeton kërcënime nga Rusia me pushtim, siç Ukraina.
Asnjë shpjegim zyrtar nuk u dha, por spekulohet se Bregoviçit iu refuzua hyrja për shkak të mbështetjes së tij për Rusinë. /tesheshi.com/
