Karlo Ançeloti tashmë i përket të kaluarës te Bajerni. Por, dilema ka lindur se kush ishte ai që kontribuoi më shumë për largimin e tij. Mediat gjermane po përmendin pesë emra që ndikuan indirekt në largimin e tij.
Arien Roben e Frank Riberi janë dy lojtarët kryesorë që kanë prishur atmosferën te Bayerni. Robben nuk e deshi Ançelotin dhe këtë e tregoi edhe deklarata e tij pas shkarkimit të tij.
“Nëse të gjithë e mbështetën atë, unë nuk do të përgjigjem për këtë”, ka thënë Roben.
Riberi në disa raste i kishte reaguar Ançelotit duke bërë gjeste pasi ai e zëvëndësonte.
Minutazhi i Tomas Myler ka bërë që edhe gjermani vazhdimisht të jetë kundër trajnerit italian.
Ai nuk arrinte të fshihte pakënaqësinë në fushë dhe në bankinën rezervë.
Boateng nuk u thirr fare për ndeshjen ndaj PSG-së dhe për këtë mbrojtësi me pasaportë gjermane i ishte bashkuar rebelëve të Bajernit.
Levandovskit po përmendet po ashtu emri si ylli i pakënaqur, pasi doli në fillim të sezonit me një deklaratë ku shfaqi pakënaqësinë. /tesheshi.com/
