Presioni për t’u dukur bukur, për të qenë elegantë dhe në formë është kaq i madh në ditët e sotme, sidomos në mesin e adoleshentëve, të cilët arrijnë në pikën që të përdorin edhe pilulat për dobësim.
Kjo në fakt është më e rrezikshme sesa ato mund ta imagjinojnë. Pilulat për të humbur peshë në mënyrë të menjëhershme janë marketuar si një zgjidhje e shpejtë për të hequr kilet e tepërta dhe për të krijuar imazhin e kërkuar.
Pavarësisht paralajmërimeve të ekspertëve për rreziqet që mbart përdorimi i këtyre pilulave, adoleshentët vazhdojnë ende t’i përdorin në masë. Studimet kanë treguar se këto suplemente që shiten gjithandej përmbajnë kimikate toksike që mund të shkaktojnë dëme të hormoneve, shëndetit mendor dhe zhvillimit të trupit.
Pilulat e dobësimit nuk janë aspak të sigurta për çfarëdo lloj moshe që i përdor dhe veçanërisht për adoleshentët, sepse ato shkatërrojnë sistemin e tyre imunitar, veçanërisht hekurin dhe kalciumin.
Një studim i kryer nga Canadian Pedriatic Society shpjegon se përdorimi i pilulave të shpejta për dobësim do të sjell probleme të mëvonshme dhe serioze për adoleshentët dhe jo vetëm. Marrja e këtyre suplementeve, përveç të tjerash shkakton edhe shumë probleme të stomakut.
Prandaj është shumë e rëndësishme që për të humbur peshë të zgjidhen gjithmonë mënyra të shëndetshme dhe praktike, për të shmangur problemet e mëvonshme shëndetësore./tesheshi.com/
