Kosova nuk ndodhet në asnjërën nga vazot e dala për shortin e Botërorit “Rusia 2018”. Një gjë të tillë e kishte premtuar trajneri i përfaqësueses së Kosovës, Albert Bunjaku.
Megjithatë, ai ende mbetet optimist se mund të arrijmë këtë gjë, duke u futur në ndonjërin nga grupet me pesë skuadra pas pranimit eventual në muajin mars.
“Ne do te jemi në kualifikime. Unë kam marrë konfirmimin nga FFK se pas pranimit tonë vitin e ardhshëm në FIFA, do të hyjmë në njërin prej dy grupeve me nga pesë skuadra”, ka thënë Bunjaku.
Shorti i Botërorit hidhet sot në Shën Petersburg prej orës 17:00. Kosova do t’i ketë sytë nga grupet që do të jenë me 5 përfaqësuese, për ta pritur më pas lajmin historik në vitin e ardhshëm. /tesheshi.com/
