Zyrtari i Bashkimit Europian që po sulmon opozita prej dy ditësh nuk është një diplomat dosido, por vetë Drejtori i BE-së për Ballkanin.
Ai është një zyrtar gjerman që punon prej kohësh në Bruksel; ndërsa ish-kryeministri Berisha e ka cilësuar atë si një person të rrezikshëm dhe të dërguar të Kominternit.
“Para disa ditësh erdhi një misionar, mblodhi partitë e vogla të opozitës. Ta kishte dërguar kominterni i Stalinit ndryshe nuk mund të fliste. Çfarë u tha drejtori që erdhi nga Brukseli kryetarëve të partive opozitare. U tha lëreni PD, ta kalbim në çadër dhe futuni në zgjehdje të merrni mandate më shumë. Erdhi të dnërtojë opozitrën e ndërtuar sipas Edi Ramës.Sigurisht ti nuk erdhe nga kominterni, se ka dekada që ka ëprfunduar në koshin e historisë. i sigurt jam se nuk more porosi nga Komisioni i BE se ndërtohet mbi vlera demokratike, por ti erdhe këtu ose si anëtar i klbuit 4700 euro metri katror, ose erdhe si anëtar i klubit të kanabisit të Edi Ramës. Ata burra që takove ti atë ditë, përfaqësues të partive aleate, i kanë këtu anëtarët prej 56 ditësh, dhe më dëgjo tani se edhe emrin nuk ta di por do ta them një fjalë: Nqs ata nuk do kishin ardhur në cadër me vullnetin e lirë, me besimin te vota, Edi Rama do tu kishte bërë atyre çdo shpërblim. Nëse nuk do ishin në çadër Edi Rama do ishte i gatshëm tu falte secilit nga një magazinë si ato të Përmetit. Erdhe këtu të blesh mandate për llogari të Edi Ramës, turpi të mbuloftë. Thirrja ime për KE, largoheni nga komisioni këtë njeri. Largojini njerëzit e korruptuar nga komisioni”, tha Berisha.
Ky reagim i opozitës vjen pas deklarimit të kreut të PBDNJ-së, Vangjel Dule, se një diplomat të Tiranë u kishte kërkuar partive të vogla aleate të PD-së që të futeshin të vetme në zgjedhje, pasi kështu mund të merrnin dhe më shumë mandate. Dhe ky propozim, është parë si një diversion nga blloku opozitar, që tashmë po e kryqëzon prej dy ditësh diplomatin e BE-së në Tiranë. /tesheshi.com/
