Në vendkalimet kufitare Kosovë-Shqipëri, në qershor 2015 ka pasë gjithësej 500288 hyrje dalje të personave, 142763 ose 39% më shumë se në qershor 2014, kur kishte 357525 personave, e që ishin 105179 më shumë se në 2013-tën.
Në Vërmicë kishte 234167 hyrje e 198513 dalje. Në Qafë Morinë 25688 hyrje e 19530 dalje. Në Qafë Prush 13457 hyrje e 8933 dalje. Këto janë shifrat për hyrje-daljet e personave.
Ndërsa, për automjetet: Në Vërmicë kishte 70258 hyrje e 69590 dalje. Në Qafë Morinë 10009 hyrje e 8664 dalje. Në Qafë Prush 5466 hyrje e 4690 dalje.
Shifrat e hyrjeve-daljeve në tre portat kufitare i bëri të ditura për tesheshi.com Major Baki Kelani, Shef i Zyrës për Infomim dhe Marrëdhënie me Publikun – Drejtoria e Përgjithëshme e Policisë së Kosovës, në Prishtinë.
Në vendkalimet kufitare Kosovë-Shqipëri, viti 2014 ka shënuar rritje të fluksit të njerëzve për 19,312 % dhe të automjeteve për 21,883 %, krahasuar me 2013-tën, bënte të ditur në fillim të 2015-ës Policia.
Në fillimin e korrikut 2015, Policia e Shqipërisë dhe Policia e Kosovës kanë nënshkruar marrëveshjen për patrullim të përbashkët.
U bë e ditur se roli i Policisë së Kosovës do të jetë në formën e asistencës, ngaqë ajo e Shqipërisë posedon fuqitë ekzekutive.
Patrullimet do të kryhen përmes 6 patrullave, 3 nga to të Kosovës dhe 3 të Policisë së Shqipërisë. Nënshkrimi dypalësh u bë në pikën kufitare në Vermicë. Dy palët u shprehën se kjo marrëveshje do të shërbejë edhe për shkrirjen e eksperiencave të policisë rrugore të Shqipërisë dhe Kosovës. /tesheshi.com/
PKK Vermicë
| Hyrje | Dalje | |
| Persona | 234167 | 198513 |
| Automjete | 70258 | 69590 |
PKK Qafë Morinë
| Hyrje | Dalje | |
| Persona | 25688 | 19530 |
| Automjete | 10009 | 8664 |
PKK Qafë Prush
| Hyrje | Dalje | |
| Persona | 13457 | 8933 |
| Automjete | 5466 | 4690 |
