Fentanil, narkotiku shumë i fortë i cili është identifikuar si ilaçi që ka shkaktuar vdekjen e këngëtarit të popullarizuar, Prince para 6 javësh, është përgjegjës për vdekjet epidemike të shkaktuara nga mbidoza në gjithë SHBA-të, njoftojnë zyrtarët federal.
Fjala është për narkotikun më të fortë të njohur deri tani, opoid artificial, i cili është 50 herë më i fortë madje edhe se heroina dhe 100 herë më i fortë sesa morfina, thuhet në Qendrën amerikane për kontrollin e sëmundjeve (CDC).
CDC bën me dije se në SHBA prodhohet edhe fentanili ilegal, kurse mbidozat me këtë substancë janë përherë e më të shpeshta.
Numri i rasteve të vdekjes, të shkaktuara me opoidë sintetikë është rritur për 80% në vitin 2014 krahasuar me vitin paraprak, duke sugjeruar se në rritjen e përdorimit ka ndikuar qasja lehtë e disponueshme në fetanilin ilegal.
Ky problem pati inicuar një reagim në nivel federal, andaj presidenti i SHBA më herët kishte kërkuar nga Kongresi 1.1 miliard dollarë për dy vitet e ardhshme për hulumtimet në mjekimin e varshmërisë nga heroina dhe analgjetikët.
Nuk është qartë se a i përshkruar këngëtarit Prince ky ilaç pas operimit në kërdhokull, dhe poashtu nuk është e qartë cili mjek ia ka rekomanduar atë ilaç. /tesheshi.com/
