Gjithë shqiptarët kanë patur sytë tek Spanja dhe Italia, dy rivalët më të mëdhenj të Kombëtares shqiptare në grupin G. Por, si e shikojnë këta dy rival kombëtaren kuq e zi? Çfarë mendojnë ata për djelmoshat e De Biasit dhe për atmosferën në Shqipëri?
“Tesheshi.com”, transmeton lajmet e publikuar nga mediumet spanjolle dhe ato italiane
Shqipëria: Skuadër tepër konkuruese, fitorja ndaj Portugalisë është shembulli më i mirë
“Një kombëtare që gjithmonë paraqet rrezik për përfaqësueset e mëdha. Motivi i madh i shqiptarëve shpesh herë ka rezultuar i suksesshëm, mostra më e freskët për të marrë shembull është fitorja ndaj Portugalisë në Lisbonë dhe ecuria pozitive në eleminatoriet për Europianin 2016 që do të mbahet në Francë. Rritja e nivelit të cilësisë është dukshëm më e lartë se sa disa vite më parë. Të dirigjuar nga ish tekniku i Levantes, Gianni De Biasi, Kombëtarja shqiptare në radhët ka lojtarë të kalibrit të lartë si portieri Etrit Berisha (Lazio), kapiteni Lorik Cana (Lazio), mesfushori Amir Abrashi (Frieburg) ose si sulmuesi Ermir Lenjani (Rennes)”, shkruan prestigjiozja spanjolle AS.
Shqipëria do vëmendje të veçantë
“Short jo shumë i lehtë për Kombëtaren e Italisë e cila përballë do të ketë një përfaqësuese të forte siç është Spanja. Një kombëtare e cila pas dështimit në Brazil është në konsolidim e sipër dhe ka një skuadër mjaft të fortë. Ndërkohë një vëmendje të veçant duhet të ketë edhe skuadra e Shqipërisë e cila ka sfiduar me plotë sukses shumë kombëtare të mëdha. Nuk duhet aspak nënvlerësuar këtë kombëtare sikurse edhe Iraelin poashtu”, shkruan Repubblica.it /tesheshi.com/
