“Belgjika pret të shohë përparim të dukshëm nga Maqedonia, nëse kjo e fundit dëshiron të anëtarsohet në NATO dhe BE”, tha në Shkup zëvendës- kryeministri i Belgjikës, Didie Rejnders, që njëherit mban edhe postin e Mininistrit të Jashtëm në qeverinë e Helsinkit. Pas takimit me homologun e tij nga Maqedonia, Nikolla Poposki, ai tha se dialogu politik mes pushtetit dhe opozitës, pushtetit gjygjësor si dhe medias, do t’jenë tri temat kryesore për të cilat do të diskutojë Këshilli i Evropës në seancën kushtuar Maqedonisë.
I rëndësisë së veçantë do t’jetë debati për gjygjësorin, si të avancohet dhe forcohet pavarësia e pushtetit gjygjësor. Do të ketë debat edhe për rolin e pushtetit publik në financimin e mediave”, tha Rejnders, sipas të cilit Parlamenti Evropian është serioz në përpjekjet për të ndërmjetësuar në krizën politike në Maqedoni, në mënyrë që parlamenti të funksionojë normalisht, me opozitën e cila bojkoton shtëpinë ligjvënëse.
Aktualisht, Belgjika kryeson në Këshillin e Jashtëm Ministror në kuadër të këshillit të Evropës. /tesheshi.com/
