Nëse ende nuk e dini, javën e fundit të marsit ndryshon ora dhe me nisjen e pranverës, akrepat çdokujt, në çdo shtet dhe cep të botës, do të spostohen me një orë përpara. Normalisht, atë natë të gjithë do të flenë më pak, por mos u shqetësoni pasi përfitimet për shëndetin do të jenë të shumta. Ja cilat janë disa prej tyre…
Zgjatet dita– Çdokujt do të ketë mundësinë të shijojë më shumë dritën e diellit, gjë e cila iu kthen buzëqeshjen njerëzve, në pjesën më të madhe të rasteve. Drita e diellit i mbush njerëzit me energji, nxit dëshirën për të dalë në ambiente të hapura dhe njëkohësisht, në pranverë, ndihmon që mushkëritë të mbushen me ajër të pastër.
Si të rregulloni orën biologjike dhe ta përshtasni me atë kronologjike (të ambientit)- Mundohuni që veprimet e përditshme t’i kryeni në mënyrë të ngadaltë dhe merrni të gjithë kohën që ju duhet për të përfunduar një punë. Mundohuni të qetësoheni disa herë gjatë ditës.
Dëgjoni trupin- Jeni pjesë e atij grupi njerëzish që jeni përherë në nxitim dhe nuk arrini kurrë të qetësoheni e të merrni frymë? Përfitoni nga ndërrimi i orës për të larguar këto zakone të këqija dhe bëni me qetësi ato gjëra që i keni prioritet. Trupi juaj ka nevojë për këtë ndryshim që do të pësojë, me ndërrimin e orës.
Zbardh më shpejt- Në ndryshim me orën e vjetët, kur nëse ju duhet të zgjoheni herët shikoni që jashtë është ende errësirë, me orën e re, edhe nëse zgjimi juaj bëhet në orën 5:00 të mëngjesit, jashtë ka dritë dhe rrezet e diellit motivojnë këdo për të nisur një ditë në mënyrë të mbarë.
Kurseni energji- Edhe nëse ju duket si një budallallëk apo diçka e pavërtetë, duke u zgjatur dita, ju mund të qëndroni më shumë kohë jashtë shtëpisë dhe në këtë mënyrë, kurseni energjinë elektrike. Është e thjeshtë: errësohet më vonë, dritat në shtëpi ndizen më vonë!/tesheshi.com/
