Kafja është e pasur me antioksidantë dhe mund të ndihmojë në parandalimin e problemeve të ndryshme shëndetësore, siç është edhe kanceri i zorrës së trashë. Antioksidantët e gjetur në kafe janë pjesë e klorinës gjenike, e cila është gjetur në shumë fruta që ne konsumojmë çdo ditë. Gjithsesi, këto veti antioksiduese mund të shkaktojnë reaksione të ndryshme në trup, veçanërisht nëse konsumojmë kafe përpara se të kemi ngrënë ndonjë vakt (e veçanërisht mëngjesin).
Më saktësisht, një filxhan me kafe të zezë kur konsumohet me stomakun bosh mund të stimulojë sekretimin e acidit hidroklorik në pjesët tretëse. Kjo ndihet veçanërisht tek personat që vuajnë nga gastriti. Acidi hidrokalorik përdoret për të dekompozuar ushqimin në stomak. Problemet e tretjes të shkaktuara nga ky faktor mund të shprehen dhe dallohen më së shumti gjatë vakteve të rënda, të cilat nxjerrin probleme me dekompozimin e proteinave.
Probleme të shumta me shëndetin mund të shkaktohen si pasojë e proteinave që ngelen të shpërbëra në trup. Këto probleme përfshijnë irritimin, gjakrrjedhjen, inflamacionin e organeve të brendshme apo edhe kancerin e zorrës së trashë.
Shumë kërkime dalin në përfundimin se kafja nuk duhet të konsumohet menjëherë pasi zgjoheni nga gjumi pasi kjo bën që të rritet niveli i kortizolit në trup shumë shpejt, çka më tej do t’i duhet një kohë e gjatë trupit që të stabilizohet. Këshillohet që kafja të konsumohet një orë pasi të jeni zgjuar nga gjumi dhe pasi të keni ngrënë të paktën një fetë bukë.
Kortizoli kontrollon orën biologjike dhe fuqinë e trupit. Për më tepër një filxhan kafe në stomak bosh mund të çojë në rritjen e acidit gastrik, gjakrrjedhje madje edhe të vjella. Nëse nuk keni kohë të konsumoni ushqimin e mëngjesit, apo nuk e nisni dot një ditë pa kafe, bëni mirë t’i hidhni qumësht kafen tuaj, apo të konsumoni pak djathë, për të mos e pasur stomakun bosh./tesheshi.com/
