Kryqëzimi i gishtave mund të ndikojë në mënyrën se si truri kontrollon dhimbjen dhe në disa raste ajo reduktohet. Ky pohim konfirmohet nga një kërkim i realizuar në universitetin e Veronës dhe në University College London.
Studimi është publikuar në revistën Current Biology dhe sugjeron tre stimuj që modifikojnë pozicionin e pjesëve të trupit, në mënyrë që të mund të reduktohet dhimbja
“Studimi është realizuar duke përdorur iluzionin e vuajtjes nga nxehtësia. Është një mënyrë e kontrolluar e cila lejon aktivizimin e sistemit të dhimbjes, pa prodhuar një efekt të dëmshëm në lëkurë gjë që realizohet duke aplikuar një sistem të temperaturave të ngrohta dhe të ftohta në gishta. Ndjenja e djegies, e cila karakterizon iluzionin realizohet nëpërmjet tre ndërveprimeve: të ngrohjes, të ftohjes dhe të dhimbjes. Nxehtësia redukton aktivitetin e receptorëve të të ftohtit duke krijuar iluzionin e dhimbjes. Pozicionimi i trupit në një mënyrë të caktuar dhe më konkretisht i kryqëzimit të gishtave, largon këtë ndjesi dhe bën të mundur kontrollin e dhimbjes nëpërmjet trurit”,- shpjegohet në studim./tesheshi.com/
