Mos i hidhni bustinat e çajit, pasi mund t’i përdorni ato për trajtime estetike dhe pastrimin e shtëpisë.
Më poshtë gjeni disa nga alternativat:
Pini një filxhan çaj në ditë dhe do të shihni sa i shëndetshëm është për organizmin tuaj. Por përveç konsumimit si çaj ju mund të përdorni edhe bustinat që deri dje i hidhnit.
Për të përfituar bukuri në trupin tuaj ju duhet të vendosini bustinat e çajit në të. Nëse vuani nga aknet, çaji i mentes është ideali për të eleminuar skuqjen dhe sjell shkëlqim në fytyrën tuaj. Ndërsa në periudhën e verës është e rëndësishme të mani bustina më çaj kamomili pasi ajo shmang kruajtjen dhe enjtjen nga pickimi i insekteve.
Ndërsa çaji i zi mund të jetë një bekim për këmbët tuaja. Nëse keni dhembje apo fryrje të këmbëve, në një enë më ujë të valuar dhe vendosim bustinën e çajit të zi brenda në të. Pasi të ftohet uji vendosim këmbët për rreth 20 minuta dhe do të shihni se sa do t’ju qetësohen dhimbjet e këmbëve. Dhe nëse jeni djegur futni një bustinë të ftohet në frigorifer për disa minuta dhe pastaj vendoseni ne vendin e djegur.
Ndërsa nëse keni kaluar një natë pa gjumë, ju këshillojmë të pini çaj të gjelbër dhe për të hequr rrathët e zinj në sy, bustina pasi të jetë ftohur mos e hidhni por e mbani për disa minuta rreth syve.
Bustinat e çajit mund të përdoren edhe për pastrimin e shtëpisë, siç mund të jetë heqja e njollave në sobë apo e aromës së keqe pas gatimit të peshkut.
Ndërsa bustinat e çajrave aromatikë mund të vendosen brenda dollapit tuaj për të lëshuar aromë të mirë. /tesheshi.com/
