Kryeministrat, Ramush Haradinaj dhe Edi Rama kanë nënshkruar 12 marrëveshjet e bashkëpunimit mes dy vendeve.
Në mesin e marrëveshjeve, janë dhe dy memorandume nënshkruar nga Ditmir Bushati, ministër i Jashtëm i Shqipërisë, dhe Behgjet Pacolli, ministër i Jashtëm i Kosovës.
Më poshtë gjeni marrëveshjet që janë nënshkruar nga të dy palët:
-Memorandum e mirëkuptimit për bashkëpunim në fushën e politikës se jashtme.
-Memorandum bashkëpunimi midis zyrës se kryeministrit të Shqipërisë dhe zyrës se kryeministrit të Kosovës për shkëmbimin e përvojave dhe bashkëpunimin për zbatimin e rregullimit më të mirë, vlerësimin e ndikimit dhe përmirësimin e praktikave të zhvillimit të politikave.
-Memorandum për bashkëpunimin në fushën e politikës së jashtme dhe marrëveshjen e bashkëpunimit në kuadër të bashkëpunimit në anëtarësimin evropian.
-Marrëveshje bashkëpunimi në fushën e diasporës.
-Marrëveshje bashkëpunimi për qendrat kulturore në Diasporë.
-Marrëveshje për vërtetimin e periudhave të sigurimit për realizimin e të drejtës në pension.
-Memorandumin e mirëkuptimit ndërmjet Agjencisë për Investime dhe Përkrahjen e ndërmarrjeve në Kosovë-KIESA dhe Agjencisë Shqiptarë të zhvillimit të Investimeve-AIDA.
-Marrëveshje për financimin dhe organizimin e përbashkët të mësimit të gjuhës shqipe dhe kulturës shqiptare në Diasporë..
-Memorandum bashkëpunimi mes MKRS-së dhe ministrisë së Kulturës të Shqipërisë.
-Protokoll për bashkëpunim teknik dhe ekonomik në fushën e bujqësisë për njohjen bilaterale të certifikatave veterinare dhe produkteve me origjinë shtazore dhe jo shtazore.
-Memorandum mirëkuptimi për themelimin e bursës së përbashkët të energjisë elektrike të Kosovës dhe Shqipërisë. /tesheshi.com/
