Ministri izraelit i Sigurisë Publike, Gilad Erdan njoftoi planet për të “përkeqësuar” kushtet për të burgosurit palestinezë në burgjet izraelite, duke përfshirë reduktimin e furnizimit me ujë dhe numrin e vizitave familjare.
Masat e planifikuara, që pritet të hyjnë në fuqi javën e ardhshme, pas miratimit nga qeveria izraelite, u kritikuan ashpër nga udhëheqësit palestinezë dhe aktivistët që i përshkruan ato si një shkelje edhe më të mëdha të të drejtave të njeriut.
Duke folur me gazetarët të mërkurën, Erdan tha se gjithashtu është në plan kufizimi i shikimit të televizionit në burg, si dhe bllokimi i fondeve nga Autoriteti Palestinez.
Këshilli për të burgosurit palestinezë hodhi poshtë planin e Erdan dhe tha se ishte një përpjekje për t’i bërë që të ndjejnë dënimin si “të padurueshëm”.
Sipas të dhënave, numri i të burgosurve palestinezë është rritur në 5,500 dhe përfshin 230 fëmijë dhe 54 gra.
Grupet e të drejtave të njeriut thonë se më shumë se 1,800 prej tyre kanë nevojë për ndihmë mjekësore, me rreth 700 të sëmurë nga sëmundje serioze ose kronike.
Shumë palestinezë pohojnë dhe se janë torturuar në burgje. /tesheshi.com/
