Masat e shtuara të sigurisë deri në ekstrem në prag të ndeshjes me Izraelin, kanë çuar dhe në vendimin për mbylljen e tunelit të Krrabës në orën 15.00. Pra, që nga kjo orë e deri në mbrëmje, për të githë ata që do udhëtojnë nga Tirana në Elbasan e anasjelltaz, duhet t’i bijnë nga rruga e vjetër e Krrabës.
Shumë tifozë e qytetarë janë ndjerë të stresuar nga këto masa, por sipas autoriteteve, kudo ku luan Izraeli njëjta gjë ndodh. Kjo, siç e sqaroi dhe ambasadori izraelit në Shqipëri, që nga atentat kundër ekipit të tyre në Lojrat Olimpike të Mynihut në vitin 1972.
Po në kuadër të këtyre masave u anullua edhe zhvillimi i ndeshjes në “Loro Boriçi”, me pretendimin se mund të sulmohej ekipi i shtetit herbre.
Shqiptarët gëzojnë namin e madh në botë si vendi që i mbajti hebrenjtë, i fshehu, i strehoi, i ushqeu dhe jua ruajti jetën nga nazistët gjatë Luftës së Dytë Botërore, por kjo nuk ka vlejtur këto ditë, ku si çdokund, izraelitet kanë parë armiqë të mundshëm rretherrotull. /tesheshi.com/
