Izraeli do ta kthejë Libanin në Epokën e Gurit, tha të mërkurën Ministri i Zbulimit të vendit Yisrael Katz në një intervistë me gazetën saudite Elaph.
Sipas Katz, Izraeli beson se Irani po ndërton “impiante të avancuara raketore” në Liban. Kur e pyetën nëse Izraeli do të bombardojë impiantet, ai u përgjigj: “Po, ne do të veprojmë ushtarakisht dhe do t’i parandalojmë, siç po ndodh në Siri”.
Katz shtoi se i gjithë Libani do të jetë objekt i sulmeve izraelite.
“Ajo që ndodhi në vitin 2006 do të jetë një piknik në krahasim me atë që mund të bëjmë. Unë kujtoj një ministër saudit, i cili kishte thënë se do të dërgojnë Hezbollahun në shpellat e tyre në jug të Libanit. Unë po ju them se do ta kthehejmë Libanin në Epokën e Gurit”, tha Katz, duke iu referuar Luftës së Dytë të Libanit, kur Izraeli sulmoi forcat e Hezbollahut.
Ministri i inteligjencës izraelite tha se vendi do të sulmonte Libanin para se sa të prisnin rezolutat e reja të OKB-së kundër Hezbollahut dhe Iranit, veçanërisht pas dorëheqjes së kryeministrit libanez Saad Hariri nga Arabia Saudite, një vendim që ai e kishte tërhequr më vonë.
Muajin e kaluar, Elaph-i publikoi një intervistë me shefin e ushtrisë izraelite, gjeneralin Gadi Eisenkot, duke shënuar kështu herën e parë që një gazetë në Arabinë Saudite të intervistojë një oficer të lartë të Forcave të Mbrojtjes të Izraelit. /tesheshi.com/
