Izraeli hoqi sot flamurin e tij nga ndërtesa e ambasadës në Dublin, duke sinjalizuar kështu hapat e parë drejt mbylljes së paralajmëruar të saj, raporton Anadolu.
Ky veprim pasoi njoftimin e ministrit të Jashtëm izraelit Gideon Saar se ambasada do të mbyllej për shkak të, siç tha ai, retorikës antisemitike të Republikës së Irlandës. Por ky pretendim u mohuan nga Dublini, një mbështetës i fortë i kauzës palestineze.
Saar kritikoi njohjen e një shteti palestinez nga Irlanda dhe akuzoi vendin se po përpiqet të ripërcaktojë gjenocidin në të drejtën ndërkombëtare për të mbështetur pretendimet kundër Izraelit në Gjykatën Ndërkombëtare të Drejtësisë.
Sipas raportimeve të mediave irlandeze, një zëdhënës i ambasadës konfirmoi heqjen e flamurit, duke thënë se kjo ishte bërë me udhëzimet e ministrit të Jashtëm.
Zëdhënësi theksoi se ambasada ende nuk është mbyllur zyrtarisht.
Kryeministri irlandez Simon Harris hodhi poshtë pretendimet për ndjenja anti-izraelite, duke argumentuar se politika e jashtme e Irlandës mbetet e përkushtuar ndaj të drejtave të njeriut, ligjit ndërkombëtar dhe paqes. /tesheshi.com/
