Presidenti maqedonas Gjorgje Ivanov, kundërshtar i rreptë i çdo politike të qeverisë, nuk ka preferuar që të “gricet” në një urim për ndërrimin e viteve.
Duke vizituar kazermën “Cede Filipovski-Dame” në Kërçovë në ditën e parë të vitit 2019, Ivanov tha se pret që viti 2019 të jetë i suksesshëm për ushtrinë maqedonase dhe Maqedonia të bëhet anëtare e NATO-s.
“Ne presim që ky vit të jetë i suksesshëm për ushtrinë, domethënë që ushtria maqedonase të marrë atë që i përket, së fundi të bëhet anëtare e NATO-s”, tha Ivanov.
Kreu i shtetit maqedonas që vijon të jetë një “mbetje” e VMRO-së me pushtet, ka kundërshtuar ashpër marrëveshjen për emrin e ri, të cilën Perëndimi e ka mbështetur fuqishëm. Ivanov do jetë president deri në mars, kur dhe i mbarron mandati. /tesheshi.com/
