Pas derdhjes së një sasie salce mbi kokë, ministrja e Arsimit, Lindita Nikolla është përballur së fundi dhe me një akuzë të rëndë nga ish-kolegu i saj në PS, Ben Blushi, i cili e akuzoi për marrje ryshfeti duke e ndarë sasinë e parave të përfituara për një vend pune me badigardin e saj. Dhe jo vetëm për këtë arsye, ministrja Nikolla i është përgjigjur ashpër, gjë që më pas e ka detyruar të bëjë një mea culpa, me anë të një mesazhi ndjese përcjellë komunitetit të mësuesvse dhe nxënësve.
“… dua t’iu kërkoj ndjesë nxënësve dhe mësueseve që e panë Lindita Nikollën jo në një moment qetësie, por për shkak të ndërhyrjeve vulgare të Ben Blushit teksa unë isha duke ju përgjigjur pyetjeve të znj.Hafizi. Por më besoni se çdo njeri prej mishi dhe gjaku i lodhur nga gënjeshtrat dhe mashtrimet do të reagonte.
Një sulmi të paprecedente me shpifjen ishte ai i sotmi, ndaj ndjesë mësueseve dhe nxënësve, sigurish nuk do të ndodhë më. Do t’i shkoj deri në fund të së vërtetës…” tha zonja që drejton Arsimin shqiptar, e akuzuar nga Blushi, gjithashtu një ish-ministër ministër arsimi edhe paaftësi në drejtimin e këtij sektori. /tesheshi.com/
