Italiani i arrestuar dje në bulevardin “Zogu I” në Tiranë mësohet se ishte një killer me pagesë i pajtuar nga një grup kriminal për të ekzekutuar kundërshtarët e tij.
Policia e Tiranës bëri të ditur sot detajet e përplasjes që shkaktoi panik në kryeqytetin shqiptar ku u vranë 3 persona.
Çështja e hapur mbi vrasjen e trefishtë të verifikuar pasditen e së mërkurës në Tiranë i ka kaluar Prokurorisë së Krimeve të Rënda. Lajmin e bëjnë të ditur burime zyrtare.
Ndërkohë, nga hetimet e deritanishme dyshohet se shtetasi italian Salvatore Letizzia, i përfshirë në këtë ngjarje, është një vrasës me pagesë.
Më herët policia bëri të ditur se Letizia dhe atentatori shqiptar Besnik Sulku po lëviznin me një motor tip “Skuter”.
Gjithashtu, burimet njoftuan sekuestrimin e një pistolete të tipit “Glock”, e përdorur nga shtetasi italian. Përplasja mes grupeve të armatosura shkaktoi panik në zonën e maternitetit “Mbretëresha Geraldinë”, në kryeqytet.
Zbardhen detaje të shkëmbimit të zjarrit që shkaktoi 3 viktima, ditën e djeshme në bulevardin “Zogu i Parë”, në kryeqytet.
Policia bëri të ditur se “shtetasi italian Salvatore Letizia dhe atentatori Besnik Sulku lëviznin me një motor tip Skuter”.
Gjithashtu, policia ka sekuestruar një pistoletë të tipit “Glock”, e përdorur nga shtetasi italian.
Pasditen e së mërkurës, një përplasje mes grupesh të armatosura shkaktoi panik në zonën e maternitetit “Mbretëresha Geraldinë”, në kryeqytet. Pronari i një lokali dhe dy nipërit e tij që e shoqëronin, u gjendën nën breshërinë armëve të zjarrit të atentatorit Besnik Sulku.
Sipas policisë, Sulku mendohet të jetë autori i vrasjes së Mentor Lufit dhe nipit të tij Gerti Goxhaj. Por, atentatori u vra nga nipi tjetër i Mentor Lufit, i cili e ndoqi nga pas vrasësin e dajës së tij dhe e ekzekutoi.
