Edhe pse larg shtëpive të tyre, të rinj italianë që jetojnë në Shkodër, festojnë festën e tyre kombëtare ndërsa shprehen me fjalë të ngrohta për shqiptarët e mikëpritjen që kanë gjendur në Shkodër.
Giulia Zurlini, Annalisa Margarita, Giacomo Bandini dhe Giacomo Maliero, janë katër të rinj italianë, vullnetarë që punojnë në Shkodër ku dhe jetojnë prej një viti. Në 2 qershor është festa kombëtare e Italisë dhe të rinjtë shprehen se e festojnë atë dhe ndihen krenarë, ndërsa flasin për mikëpritjen dhe jetën në këtë qytet.
Giulia Zurlini shprehet se ngjashmëritë mes dy vendeve duken në këto festa pasi në ditë të tilla bashkohen njerëzit pavarësisht nga janë: “Shpresoj që e ardhmja të jetë më e mirë se e tashmja, pavarësisht vështirësive”.
Annalisa Margarita thotë se ndihet si në shtëpinë e saj këtu në Shkodër pasi dhe Puglia nga ajo vjen është më afër Shqipërisë se çdo vend tjetër në Itali.”Jetoj prej një viti në Shkodër dhe ndihem si në shtëpinë time, pasi marrëdhënia dhe mikëpritja e njerëzve këtu ndihet menjëherë.
Ndërsa Giacomo Bandini shton se e ndien shumë përkatësinë e tij, sidomos në këtë ditë që kujton atë që populli italian ka luftuar shumë për të qenë i bashkuar, ndërsa thekson mikëpritjen që ka gjetur në Shkodër e kudo në Shqipëri.
Sipas Giacomo Malieros, kjo ditë ndodh dhe të harrohet si festë pasi është një momnet jo shumë i mirë për vendin e tij Italinë. “Është një periudhë jo e mirë por ka shpresa”, thotë ai\, ndërsa uron festën kombëtare të vendit të tij.
Nga Anila Dushi – tesheshi.com
