Qeveria italiane miratoi një vendim të premten në mbrëmje, duke hapur kufijtë për qytetarët e Bashkimit Evropian nga 3 qershori dhe duke lejuar lëvizjen e lirë brenda vendit.
Lëvizja brenda rajoneve do të rivendoset në 18 maj, dhe ndalimi i udhëtimit ndër-rajonal do të hiqet në 3 qershor.
Heqja e ndalimit të udhëtimit është një hap domethënës në rrugën drejt rimëkëmbjes së këtij vendi të goditur rëndë, dhe qeveria shpreson të arrijë të shpëtojë disi sezonin turistik të verës.
Italia është ndër vendet më të prekura nga pandemia e koronavirusit, ndërkohë që shkalla e infeksioneve të reja ka rënë për ca kohë.
Një total prej më shumë se 31.600 vdekje dhe rreth 223.800 raste të infeksionit që nga shpërthimi i epidemisë më 21 shkurt u regjistruan në Itali të premten. Eshtë gjithashtu vendi i tretë për sa i përket shkallës së vdekshmërisë nga COVID-19, menjëherë pas Shteteve të Bashkuara dhe Britanisë së Madhe. /tesheshi.com/
