Është folur që në kohën e komunizmit më pas u la në harresë. Kurse Pandeli Majko kur ishte Kryeministër, foli për një tunel nënujor Vlorë-Pulja, por e “bitisën” keq mediat në atë kohë.
Por sot ka dalë sërish këtë variant. Deputeti socialist, Artan Gaçi, duke folur për vizitën e Edi Ramës në jug të Italisë, tha se qeveria shqiptare ka nënshkruar dy marrëveshje me rajonin e Puljas, një prej të cilave synon lehtësimin e procedurave të transportit mes dy porteve me trafikun më të madh në Adriatik, Durrës-Bari.
“Do të kryhet lehtësisht e gjithë procedura e zhdoganimit në det, në mënyrë që mjetet kur të arrijnë të jenë të zhdoganuara. Po kështu u diskutua edhe kontrolli unik i pasaportave”, deklaroi Gaçi.
Marrëveshja e dytë e nënshkruar gjatë vizitës së kryeministrit Rama në Itali është ajo e krijimit të një shoqërie të përbashkët mes ujësjellësit të Puljas dhe palës shqiptare.
“Aspekti menaxherial në bashkëpunim me palën puljezë është e rëndësishme, por janë të hapura edhe të gjitha temat siç është projekti i shumëpërfolur i ngritjes së një ujësjellësi nën det nga Shqipëria në Itali”, nënvizoi Gaçi. /tesheshi.com/
