Ka mbërritur më në fund në brigjet e Reggio Calabrias në Itali, anija ‘Espero’ e marinës ushtarake me në bord 617 persona, mes së cilëve 191 minoritarë, të gjithë të shoqëruar. Kushtet e emigrantëve, të cilët vijnë të gjithë nga zonat sub sahariane, janë mbajtur të fshehta, edhe pse dyshohet se mbi 50 prej tyre janë me zgjebe.
520 prej tyre, pas formaliteteve që do të kryhen në port, do të hipin në autobusë nga ku do të shpërndahen në Piemonte, Lombardi, Venet, Marche dhe Toscana
Duke përjashtuar të vegjlit, mes tyre janë 322 meshkuj dhe 104 femra, të cilët vijnë nga Burkina Faso, Costa d’Avorio, Eritrea, Gambia, Guinea, Mali, Nigeria, Senegal, Sierra Leone, Somalia e Sudani.
Sapo kanë mbërritur në tokë, mbi ta është zbatuar plani i ndihmës dhe asistencës të realizuar dhe planifikuar gjatë një mbledhjeje të zhvilluar mbrëmjen e djeshme nga prefekti i Reggio Calabrias, Claudio Sammartino, me pjesëmarrjen e përfaqësuesve të forcave të policisë, të kapitenerisë së portit, të ambulancës, së Kryqit të Kuq italian etj. Është parashikuar që në Reggio të qëndrojë një grup prej 90 emigrantësh. /tesheshi.com/
