Mensur Krasniqi
Dhjetë muaj në Ministrinë e Punës dhe Politikës Sociale askush nuk i ka marrë në dorë ankesat e qytetarëve, kërkesa këto për ndihmë sociale që janë refuzuar apo ju janë ndërprerë. Siç informojnë nga dikasteri përkatës, nuk është vendosur për 1.400 lëndë nga muaji shkurt e deri më sot.
Këto të dhëna dalin në pah pasi ministrja e re Remenski e mori në dorë këtë dikaster, derisa ish-ministri Dime Spasov nuk ka dhënë ndonjë informacion shtesë se pse këto lëndë nuk janë shqyrtuar.
‘’Në Ministrinë e punës dhe politikës sociale nga muaji shkurt e deri më sot nuk është vendosur për 1.400 lëndë për refuzim të kërkesës apo marjes së të drejtës për ndihmë sociale. Pikërisht për këtë praninë e Inspektoratit ministrja Remenski e ka shfrytëzuar që të shqyrtojnë rastin dhe të tregojnë se kanë interes për qeverisje të mirë sipas ligjeve’’, thonë nga ministria.
Derisa një qytetar për tesheshi.com rrëfehet për neglizhencën e Ministrisë për Punë dhe Politikë sociale, meqë ka gati 6 muaj prej kur që ka paraqitur kërkesë për ndihmë sociale.
“Si është e mundur kjo, qe 6 muaj kam paraqit kërkesë që të marr ndihmë sociale, dhe kjo has ne veshin e shurdhër të ministrisë. Tani që ka ardhur ministrja e re shpresojmë që do përmirësohet situata, ndryshe nuk kam si t’ia dal, pa punë pa asgjë”, shprehet i revoltuar një qytetar nga Shkupi.
Për ankesat e tilla vendos ministri, derisa Spasov për 10 muaj asnjë nuk e ka shqyrtuar. Edhe pse sipas regullativës ligjore këto ankesa duhet të shqyrtohen dhe për to të vendoset në afat prej 60 ditëve, tash pritet që inspektorati të vendos në kërkesë të ministres së re dhe të konstatojë gjendjen që të vendos më tej. Nga ministria informojnë se të drejtë të ndihmës sociale në vitin 2014 e kanë shfrytëzuar 34.688 perosona ndërsa në 2015 ky numër është zvogëluar në 28.484.
/tesheshi.com/
