Ish-ambasadori amerikan, John Withers, ai që haptazi nisi të mbajë qëndrime kundër Berishës kur ky i fundit ishte në pushtet, duke u bërë njëherësh dhe krah i ngrohtë i opozitës së atëhershme të drejtuar nga Rama, është rikthyer në kryeqytetin shqiptar për të marrë “Çelësin e Tiranës”, dhënë me vendim të Këshillit Bashkiak. Motivacioni është: “Për kontributin e tij të vyer, veçanërisht për zhvillimin e mëtejshëm të demokracisë së qytetit dhe shtetit tonë”.
Këtë vlerësim, ish-përfaqsuesi i Uashingtonit në Shqipëri, e komentoi kështu:
“Dëgjova një shprehje të re frazeologjike ose fjalë të urtë shqiptare. Ishte kryetari i Bashkisë që e ndau me mua: ‘i vë kapelën secilit sipas kokës’, ishte shprehja. Pra, shprehja e kryetarit ishte se ju dinit t’i vinit kapelën secilit sipas kokës. M’u duk filozofi shumë e mirë për jetën personale dhe jetën publike, sepse jetojmë të gjithë si individë të veçantë, pra secili prej nesh gjykohet për veprën e tij dhe është shumë e rëndësishme që asnjëherë të mos harrojmë këtë. Është e rëndësishme që t’i dëgjojmë njerëzit me vëmendje, madje edhe nëse nuk biem dakord me çdo gjë që thuhet”.
Ish-ambasadori Withers do të kujtohet për protagonizmin e tij në një periudhë kur situata politika ishte trazuar pas ngjarjes së Gërdecit. Në atë kohë, ai nisi të mbante hapur qëndrime kundër Berishës, ku me metafora e ku në mënyrë të drejtpëdrejtë, duke u bërë kështu një zë ndërkombëtar me vlerë për opozitën. Dhe siduket sot u shpërblye për këtë. /tesheshi.com/
