Kryetari i LDK-së, Isa Mustafa që në ditën e parë të fushatës zgjedhore për lokalet ka ngacmuar rivalët politikë duke thënë se qytetarët do dënojnë me votë kapësit e shtetit.
Ai premton se partia e tij për zgjedhjet lokale do të zhvillojë një fushatë zgjedhore, të drejtë, të sinqertë e demokratike.
Mustafa përmes Facebook-ut u ka thënë qytetarëve se po fillojnë së bashku një rrugëtim të ri për një standard të ri jete.
“Qytetarë të nderuar të Kosovës sot po fillojmë fushatën zgjedhore pë komuna, në Sallën 1 Tetori në Prishtinë në ora 17:00.
Po fillojmë së bashku një rrugëtim të ri për t’i dhënë juve një standart të ri jete. Koha ka ardhur që ju të vendosni për rrugën tuaj, kopshtet e shkollën e fëmijëve tuaj. Atdhe tjetër nuk kemi, këtij duhet t’i japim shpresën tonë.
Në emrin tim dhe të Lidhjes Demokratike të Kosovës iu premtojmë fushatë zgjedhore për zgjedhjet lokale, të drejt, të sinqertë e demokratike. Ne do ndjekim shpresën dhe qëllimet tuaja. Së bashku do ta dënojmë me votë kapjen dhe kapësit e shpresës tuaj. LidhjaPoVjen”, ka shkruar Mustafa. /tesheshi.com/
