Kryeministri i Kosovës, Isa Mustafa më në fund është dorëzuar sa i përket çështjes së Demarkacionit me Malin e Zi. Ai ka pranuar se momentalisht koalicioni PDK-LDK nuk i ka votat për të kaluar marrëveshjen në fjalë. Ai këto komente i bëri pas pjesëmarrjes në konferencën CiviKos ku u fol për bashkëpunimin në mes të Shoqërisë Civile dhe Qeverisë.
Por, kreu i ekzekutivit shtoi se nuk kanë hequr dorë që kjo marrëveshje të procedohet deri në fund të vitit.
Dorëzimi i Mustafës ka bërë të reagojnë deputet të caktuar, ku një prej tyre është i pavaruri Gëzim Kelemendi i cili ka thënë se pranimit nga qeveria se nuk i ka votat, atëherë kryeministri duhet të bëhet korrekt dhe i drejtë që ta dërgoj vendin në zgjedhje.
“U dorëzua më në fund Kryeministri Isa Mustafa, e pranoj se nuk i kanë votat për Demarkacionin.
Çka tash Kryeministër?
Nëse BE ka vënë kusht për liberalizimin e vizave Demarkacionin ( ashtu si keni thënë ju), dhe ju tash e pranoni që nuk i keni votat, atëherë dihet çka duhet të veproni.
Mos i mbani të izoluar më qytetarët e Kosovës.
Hapni rrugë që qytetarët të vendosin për të ardhmen e tyre.
Bëhuni korrekt dhe të drejtë, dërgoni vendin në zgjedhje të parakohshme dhe i mundësoni popullit të vendos për të ardhmen e vet”, ka shkruar Kelmendi, në profilin e tij në Facebook.
Ndryshe, ky dorëzim i Mustafës njëherit dorëzon edhe këshilltarët e tij, por jo vetëm, që nuk lane paraqitje mediale pa deklaruar se koalicioni PDK-LDK i ka numrat për ratifikimin e demarkimit të kufirit. /tesheshi.com/
