Kryetari i LDK-së, Isa Mustafa, deklaroi se për fatin e keq Kosova po qeveriset nga ata që krijuan izolimin e saj dhe po diktohet nga Beogradi, nëpërmjet Listës Serbe.
Këto komente Mustafa i bëri gjatë takimit me kandidatët e LDK-së për kryetar komunash dhe Asamblesh.
Në takim morën pjesë pjesë 28 kandidatë për kryetar komunash dhe mbi 900 kandidatë për Asambletë Komunale.
Mustafa shprehu bindjen se nga këto zgjedhje, LDK do të jetë forcë fituese.
“Jam shumë i bindur se më 22 tetor do të kremtojmë fitoren e LDK si për kryetarë komunash dhe këshilltarë komunalë. Këto zgjedhje janë të rëndësishme për Kosovën dhe LDK. Kosova po hyn në këto zgjedhje pesë muaj pas atyre parlamentare dhe konstatoj se për fat keq sot Kosovën po e qeverisin ata që e izoluan , ndaj duhet të punojmë me qytetarët që mos të ndodhë sërish kështu”, theksoi Mustafa.
Në vijim ai shtoi se LDK do të fitojë se jemi parti e qendrës së djathtë dhe jemi kemi ruajtur anëtarësinë, kemi përmbushur premtimet dhe se nuk do të hyjmë në koalicion me PDK.
Ai tha se është i bindur se kandidatët e LDK për kryetar dhe këshilltarë do të ofrojnë më të mirën për qytetarët e Kosovës. /tesheshi.com/
